Меси: Летните засилувања се прилагодуваат добро

Ѕвездата на Барселона, Лионел Меси беше видливо среќен откако неговиот тим издвои победа од 5:0 над Виљареал во почетниот натпревар од новата сезона во Ла Лигата.

Аргентинскиот интернационалец, кој постигна два гола покрај головите на Фабрегас, Тиаго Алкантра и Санчез, имаше импресивна игра во првиот натпревар од новата сезона.

“Новите летни засилувања се многу важни затоа што се прилагодија многу брзо.” изјави Меси во интервју по завршувањето на натпреварот.

Напаѓачот истакна дека е нормално што тој добро соработува со Фабрегас, кој се приклучи кон клубот пред само две недели, велејќи: “Ние се знаеме уште откако бевме деца. Како и Чави и Иниеста, тој знае што значи да се игра во Барселона.”

И покрај тоа што беа без петмина од нивните дефанзивци, поради што тренерот Пеп Гвардиола беше принуден да ја игра формацијата 3-4-3, Каталонскиот клуб доминираше низ целиот натпревар, и Меси имаше само пофалби за својот тим.
“Ние покажавме дека сме добри.” изјави тој. “Важно е да продолжиме вака.”